İsaxan Aşurov

İsaxan Aşurov
Doğum tarixi	1 avqust 1955(1955-08-01)
Doğum yeri	Faxralı, Bolnisi rayonu, Gürcüstan SSR, SSRİ
Vəfat tarixi	22 iyun 2012(2012-06-22) (57 yaşında)
Vəfat yeri	ABŞ
Vəfat səbəbi	xərçəng xəstəliyi
Dəfn yeri	Faxralı
Təhsili	Bakı Dövlət Universiteti
Fəaliyyəti	vəkil

İsaxan Aşurov (1 avqust 1955, Faxralı, Bolnisi rayonu – 22 iyun 2012, ABŞ) — Azərbaycanlı vəkil.

Həyatı

İsaxan Aşurov 1955-ci il avqustun 1-də Gürcüstan Respublikası Bolnisi rayonunun Faxralı kəndində anadan olub.

1972-ci ildə Faxralı kənd orta məktəbini bitirib, elə həmin ildə də Bakı Dövlət Universitetinin hüquq fakültəsinə qəbul olunub. 1977-ci ildə həmin fakültəni bitirib.

İsaxan Aşurov müalicə üçün ABŞ-yə getmişdir. O, xərçəng xəstəliyindən əziyyət çəkirdi. 2012-ci il iyunun 22-də ABŞ-də vəfat etmişdir. Gürcüstanda dəfn olunmuşdur.

Ailəsi

Ailəli idi. 4 övladı var.

Fəaliyyəti

1977–1981-ci illərdə Qazax Polis Şöbəsində, 1981–84-cü illərdə Tovuz rayon Polis Şöbəsində müstəntiq, 1984–89-cu illərdə isə SSRİ DİN-in Baş İstintaq Qrupu istintaq briqadasının müstəntiqi vəzifəsində çalışıb.

1989–1991-ci illər ərzində Tovuz Rayon Polis Şöbəsində istintaq bölməsi rəis, 1991–1992-ci illərdə Göyçay rayon Polis Şöbəsində baş müstəntiq, 1992–1993-cü illərdə Qazax Rayon Polis Şöbəsinin rəisi vəzifəsində işləyib.

1996-cı ildən vəkil kimi çalışıb. Azərbaycan Respublikasının Vəkillər Kollegiyasının üzvü olub.

Xatirəsi

2012-ci il iyunun 23-də "İsaxan Aşurov" adına mükafat təsis edilib. "Sülh və Demokratiya İnstitutu (SDİ) insan hüquqları, demokratiya uğrunda mübarizə aparanlara "İsaxan Aşurov" mükafatı verəcək. Mükafat hər il qanun və hüquq uğrunda mübarizə aparan vətəndaşlara veriləcək.

Xarici keçidlər

• Tanınmış vəkil İsaxan Aşurov vəfat edib Arxivləşdirilib 2012-06-24 at the Wayback Machine